સોનાના ભાવને લઈને આંતરરાષ્ટ્રીય નિષ્ણાતની મોટી આગાહી, લાંબા ગાળે ઐતિહાસિક તેજીનો દાવો.
નિષ્ણાતની આગાહીથી સોના બજારમાં ફરી ચર્ચા તેજ
સોનામાં રોકાણ કરનારાઓ માટે નવી આગાહી ચર્ચાનું કેન્દ્ર બની છે. એક આંતરરાષ્ટ્રીય ગોલ્ડ માર્કેટ નિષ્ણાતના જણાવ્યા મુજબ આગામી વર્ષોમાં સોનાના ભાવમાં નોંધપાત્ર વધારો જોવા મળી શકે છે. તેમના મત અનુસાર લાંબા ગાળે ગોલ્ડ નવા ઐતિહાસિક સ્તરે પહોંચવાની સંભાવના છે, જેના કારણે રોકાણકારોમાં ફરી ઉત્સુકતા વધી છે.
સોનાના ભાવ વધારાના પાછળ કયા કારણો જવાબદાર?
નિષ્ણાતનું કહેવું છે કે વિશ્વભરની સેન્ટ્રલ બેંકો પોતાના વિદેશી ચલણના ભંડારમાં સોનાનો હિસ્સો સતત વધારી રહી છે. બીજી તરફ વૈશ્વિક અર્થતંત્રમાં વધતી લિક્વિડિટી અને મોંઘવારી જેવા પરિબળો પણ સોનાને મજબૂત આધાર આપી રહ્યા છે. આ બંને પરિસ્થિતિઓ લાંબા ગાળે ગોલ્ડ માટે અનુકૂળ માનવામાં આવે છે.
આર્થિક અનિશ્ચિતતામાં સુરક્ષિત રોકાણ તરીકે સોનાની માંગ
વિશ્વમાં વધી રહેલા ભૂરાજકીય તણાવ અને આર્થિક અનિશ્ચિતતાના સમયમાં રોકાણકારો સુરક્ષિત એસેટ તરીકે સોના તરફ વળતા જોવા મળે છે. નિષ્ણાતોના મતે આવી સ્થિતિમાં ગોલ્ડની માંગ સતત મજબૂત રહી શકે છે. જો સોનાના ભાવમાં વધુ તેજી આવશે તો તેનો સીધો લાભ ગોલ્ડ માઇનિંગ ક્ષેત્ર સાથે જોડાયેલી કંપનીઓને પણ મળી શકે છે.
માઇનિંગ કંપનીઓ માટે પણ મોટી તક ઉભી થઈ શકે
નિષ્ણાતોના જણાવ્યા મુજબ ગોલ્ડ માર્કેટમાં તેજી ચાલુ રહે તો નાની અને ગુણવત્તાસભર પ્રોજેક્ટ ધરાવતી માઇનિંગ કંપનીઓમાં મોટા મર્જર અને એક્વિઝિશનની સંભાવનાઓ વધી શકે છે. જોકે, ₹6.6 લાખ પ્રતિ 10 ગ્રામ સુધીનો ભાવ એ માત્ર લાંબા ગાળાની આગાહી છે, તેની કોઈ સત્તાવાર ખાતરી નથી. રોકાણ કરતા પહેલાં બજારના જોખમોને ધ્યાનમાં રાખીને યોગ્ય સલાહ લેવી જરૂરી છે.