FD કે Bond? યોગ્ય પસંદગી તમારા રિટર્ન બદલી શકે છે

જો તમે પણ તમારી બચત Fixed Deposit (FD) માં જ રાખો છો, તો રોકાણ પહેલાં Bond વિશે જાણવું જરૂરી છે. FD સુરક્ષિત માનવામાં આવે છે, પરંતુ ટેક્સ બાદ મળતું વાસ્તવિક રિટર્ન ઘણી વખત ઘટી જાય છે. બીજી તરફ, સારી ગુણવત્તાના Bond લાંબા ગાળામાં વધુ રિટર્ન અને ટેક્સ પ્લાનિંગનો લાભ આપી શકે છે.

FD અને Bondમાં ટેક્સનો મોટો તફાવત

FDમાંથી મળતું વ્યાજ તમારી કુલ આવકમાં ઉમેરાય છે અને તેના પર તમારી Income Tax Slab મુજબ ટેક્સ લાગે છે. એટલે કે જો તમે 30 ટકા ટેક્સ સ્લેબમાં હો, તો 7% વ્યાજ મળતું હોવા છતાં હાથમાં આવતું વાસ્તવિક રિટર્ન ઘણું ઓછું રહે છે.

Bondમાં મળતું Coupon Interest પણ ટેક્સપાત્ર છે. પરંતુ જો લિસ્ટેડ Bondની કિંમત વધે અને તમે લાંબા ગાળે વેચો, તો કેપિટલ ગેઇન પર લાગતો ટેક્સ ઘણીવાર તમારા ઇન્કમ ટેક્સ સ્લેબ કરતાં ઓછો હોઈ શકે છે.

Bond ક્યાં આગળ નીકળી જાય છે?

FDમાં માત્ર નક્કી કરેલું વ્યાજ મળે છે. જ્યારે Listed Bondમાં વ્યાજ ઉપરાંત Capital Appreciationનો લાભ પણ મળી શકે છે. જો માર્કેટમાં વ્યાજ દર ઘટે તો Bondની કિંમત વધી શકે છે, જેના કારણે રોકાણકારને વધારાનો નફો મળી શકે છે.

જરૂર પડે ત્યારે પૈસા કોણ ઝડપથી આપે?

FD સમય પહેલાં તોડવામાં આવે તો બેંક સામાન્ય રીતે Penalty વસૂલે છે અને વ્યાજ પણ ઘટાડી શકે છે. બીજી તરફ Listed Bondને સ્ટોક એક્સચેન્જ પર વેચી શકાય છે. જોકે તેની કિંમત બજારની સ્થિતિ મુજબ ઉપર-નીચે થઈ શકે છે.

તમારા માટે કયો વિકલ્પ શ્રેષ્ઠ?

જો તમારો હેતુ Emergency Fund બનાવવાનો હોય અને જોખમ વગર નિશ્ચિત રિટર્ન જોઈએ તો FD વધુ યોગ્ય વિકલ્પ છે. પરંતુ લાંબા ગાળે વધુ રિટર્ન અને ટેક્સ બાદ સારો લાભ મેળવવા માંગતા રોકાણકારો માટે સારી રેટિંગ ધરાવતા સરકારી અથવા કોર્પોરેટ Bond પણ ઉત્તમ વિકલ્પ બની શકે છે.

નાણાકીય નિષ્ણાતોના મત મુજબ, Emergency Fund માટે FD અને લાંબા ગાળાના Portfolio માટે Bond — બંનેનો સંતુલિત ઉપયોગ કરવો વધુ સમજદારીભર્યો અભિગમ છે.