ગ્લાસગોમાં રમતગમતનો મહાકુંભ શરૂ
સ્કોટલેન્ડના ગ્લાસગોમાં 23 જુલાઈથી કોમનવેલ્થ ગેમ્સ 2026નો ભવ્ય પ્રારંભ થઈ રહ્યો છે. 11 દિવસ સુધી ચાલનારી આ મલ્ટી-સ્પોર્ટ સ્પર્ધામાં ભારત સહિત અનેક દેશોના ખેલાડીઓ મેડલ માટે મેદાનમાં ઉતરશે. ભારતીય ખેલાડીઓ પાસેથી પણ આ વખતે શ્રેષ્ઠ પ્રદર્શનની અપેક્ષા છે.
11 દિવસ સુધી રહેશે રમતોનો રોમાંચ
કોમનવેલ્થ ગેમ્સ 23 જુલાઈથી 2 ઓગસ્ટ સુધી યોજાશે. ગ્લાસગોના OVO Hydro ખાતે ઉદ્ઘાટન સમારોહ યોજાશે, જેમાં ભારતીય દળ પણ ધ્વજ સાથે પરેડમાં ભાગ લેશે. વિવિધ રમતોમાં ભારતના ખેલાડીઓ મેડલ જીતવા માટે જોરદાર પડકાર રજૂ કરશે.
ભારતમાં ક્યારે શરૂ થશે ઈવેન્ટ્સ?
સ્કોટલેન્ડ અને ભારતના સમય વચ્ચેના તફાવતને કારણે ભારતીય ચાહકો માટે મોટાભાગની સ્પર્ધાઓ બપોર બાદ શરૂ થઈને મોડી રાત સુધી જોવા મળશે. તેથી રમતપ્રેમીઓ દિવસભર ભારતીય ખેલાડીઓના મુકાબલાનો આનંદ લઈ શકશે.
ટીવી અને મોબાઇલ પર ક્યાં જુઓ LIVE?
ભારતમાં કોમનવેલ્થ ગેમ્સ 2026નું ટેલિવિઝન પ્રસારણ Sony Sports Network પર કરવામાં આવશે. ઉપરાંત DD Sports પર પણ પસંદગીની ઈવેન્ટ્સનું પ્રસારણ થશે. ઓનલાઈન લાઈવ સ્ટ્રીમિંગ Sony LIV પર ઉપલબ્ધ રહેશે, જ્યાં દર્શકો મોબાઇલ, સ્માર્ટ ટીવી અને અન્ય ડિવાઇસ પર મેચો જોઈ શકશે.
ભારતને ફરી મોટી આશા
ભારતે 2014ની ગ્લાસગો કોમનવેલ્થ ગેમ્સમાં 64 મેડલ જીત્યા હતા. હવે 2026માં ભારતીય ખેલાડીઓ તે પ્રદર્શનને વધુ આગળ લઈ જઈને દેશનું ગૌરવ વધારવાનો પ્રયાસ કરશે.